Libertat di ekspreshon di opinion a todo kosto?

Tratado Europeo di derechonan humano
Libertat di ekspreshon di opinion
Artíkulo 10 ta bisa ku:

· 1. Kada un persona tin derecho riba libertat di ekspreshon di opinion. E derecho aki ta enserá e libertat di por tin un opinion i e libertat pa duna i risibí informashon i pensamentunan sin intervenshon di kualke outoridat públiko i sin limitashon. E artíkulo aki no ta kita estadonan di regulá kompanianan di radio, sine i televishon pa medio di un sistema di pèrmit.

· 2. Pa motibu ku e derecho aki ta trese tambe obligashonnan i responsabilidatnan kuné e por wòrdu someté na sierto formalidatnan, kondishonnan, limitashonnan òf sanshonnan regulá pa lei. Esaki ta nesesario den un pais demokrátiko na interes di siguridat nashonal, integridat teritorial, siguridat públiko, pa evitá situashonnan kaótiko i hechonan kastigabel, protekshon di salubridat òf normanan di moralidat, protekshon di bon nòmber òf derechonan di otronan òf pa garantisá imparsialidat di poder legislativo.

No a bira tempu pa nos hiba un diskushon públiko atrobe riba e libertat di ekspreshon di opinion inkondishonal ku nos tin an Kòrsou mirando e susesonan ku a tuma lugá último tempu.


Etienne van der Horst
4 yüli 2008