E funshon di Ombudsman tei pa sostené e proseso di desaroyo di bon gobernashon.

Ku hopi asombro mi a tuma nota den medionan di komunikashon di e e-mail di diputado sra. Marilyn Alcala-Walle fechá 27 di Mei 2008 dirigí na Ombudsman sr. Fred Wiel. Den e e-mail e ta bisa ku na su opinion Ombudsman ta rekreá su mes ku karta ku e ta manda pa entre otro Bestuurscollege. Tambe diputado Alcala-Walle ta bisa ku e ta haña ta un lástima enorme ku kada bes e ta risibí tipo di informashonnan asin’aki ku ta hou e op, strob'e di sirbi komunidat i ku no ta sirbi komunidat i ningun propósito. E ta puntra su mes si ta nada Ombudsman no tin di hasi. E ta bisa pa no manda korespondensia di ridikules estilo Jan Joker p’e. Tambe e ta bisa ku e tin sufisiente trabou di hasi pa komunidat en bes di lesa ridikules.
Ami no por imaginámi ku diputado Alcala-Walle por a skibi un mail asin’aki.

Ombudsman ta outorisá pa medio di lei pa riba su mes inisiativa òf a base di kehonan ku e ta risibí investigá si Gobièrnu den sierto kaso a aktua manera debe ser. A base di e resultadonan di e investigashon e por duna su opinion i/o rekomendashon. Segun lei e meta di esaki ta pa kontrolá i stimulá bon kalidat di gobernashon. E tin tambe e outoridat pa investigá komportashon di entre otro Konseho Insular, Bestuurscollege i Gezaghebber.
Mi ta na haltura ku Ombudsman a yega di manda karta pa Bestuurscollege puntrando kon ta pará ku e kuentanan anual di Teritorio Insular di Kòrsou ku pa lei mester keda entrega i aprobá promé ku sierto fecha lokual no tabata tumando lugá. Tambe Ombudsman a yega di manda karta puntrando Bestuurscollege informashon tokante e nombramentunan di hendenan den servisio di gobièrnu kontra di regla i prosedura. Te awe komunidat no a tende kiko e resultado ta di e komishon ku a lanta aña pasa bou di presidensia di SOAB pa investigá e nombramentunan aki.

Sra. Alcala-Walle ke men ku e kartanan tokante e dos tópikonan aki ta rekreashon di Ombudsman? Ta korespondensia di Jan Joker esakinan ta? Diputado Alcala-Walle no ta interesá den e tipo di kartanan aki i ke pa Ombudsman stòp ku esaki? Pueblo tin derecho pa aserka Ombudsman tokante diferente tópiko i tin derecho pa risibí informashon i klaridat riba na preguntanan, prekupashonnan i kehonan. Esnan ku Ombudsman ta aserka pa informashon, entre otro Bestuurscollege, pa lei tin e obligashon pa reakshoná dentro di un sierto kantidat di tempu definí.
By the way; kon a para ku e kuentanan anual? Bestuurscollege i Konseho Insular tin retraso ainda den tratamentu di e kuentanan anual? Tin klaridat kaba tokante e nombramentunan i kon ta sigui ku e fenómeno aki? Tin un maneho pa evitá ku nombramentunan ta sali for di man manera tabata e kaso durante años?

Mi tin un konseho pa diputado Alcala-Walle i Bestuurscollege. Lanta e komishon menshoná den artíkulo 8 di Eilandsveordening Ombudsfunctionaris Curacao. E komishon tin komo tarea entre otro pa, riba petishon òf riba su mes inisiativa, duna konseho na Ombudsman riba e forma den kual Ombudsman ta ehersé su tareanan i tambe si tin reklamo riba sierto aspekto di aktuashon di e outoridat aki tantu pa loke ta trata kontenido komo formalidat. E e-mail ku e agreshon verbal no tabata na nodi.
Pa Ombudsman mi tin e mesun konseho. Aserka Bestuurscollege ku e petishon pa lanta e komishon menshoná mas lihé ku ta posibel pa asina e por analisá e opservashonnan di diputado Alcala-Walle i duna konseho na Ombudsman. Na mi opinion e keho entregá dor di Ombudsman na Ministerio Públiko kontra di diputado Alcala-Walle tampoko no tabata na nodi. Ban lanta e komishon!

Etienne van der Horst
31 Mei 2008

De functie van Ombudsman is er om het ontwikkelingsproces van behoorlijk bestuur te ondersteunen.

Met verbazing heb ik in de media kennis genomen van een e-mail gedateerd 27 mei 2008 van gedeputeerde mevr. Marilyn Alcala-Walle gericht aan de Ombudsman dhr. Fred Wiel. In deze e-mail stelt zij dat naar haar mening de Ombudsman zichzelf vermaakt met het versturen van brieven aan onder anderen het Bestuurscollege. Ook stelt zij dat zij van mening is dat het een enorme last is om dergelijke informatie te ontvangen en dat het haar ophoudt en verstoort om de samenleving te dienen en dat het noch de samenleving noch enig ander doel dient. Zij vraagt zichzelf af of de Ombudsman niets te doen heeft. Zij wil geen ridicule correspondentie in de stijl van Jan Joker meer ontvangen. Zij heeft genoeg werk te doen voor de samenleving in plaats van het lezen van onzin.
Ik kan mij niet voorstellen dat gedeputeerde Alcala-Walle een e-mail met een dergelijke inhoud heeft geschreven.

De Ombudsman heeft een wettelijke bevoegdheid om op eigen initiatief of naar aanleiding van klachten onderzoek te doen of de overheid zich in een bepaald geval behoorlijk heeft gedragen. Hij kan dan daarover een oordeel geven of een aanbeveling doen. Het doel hierbij is om de kwaliteit van het overheidsbestuur te bewaken en te bevorderen. Voorts is hij wettelijk bevoegd de gedragingen te onderzoeken van onder meer de Eilandsraad, het Bestuurscollege en de Gezaghebber van het Eilandgebied Curaçao.
Ik ben op de hoogte van het feit dat de Ombudsman in het verleden een brief naar het Bestuurscollege heeft gestuurd met het verzoek wat de stand van zaken is van de behandeling van de jaarrekeningen van het Eilandgebied Curaçao welke voor een bepaalde datum moeten worden ingediend en vastgesteld hetgeen niet plaatsvond. Ook heeft de Ombudsman een brief gestuurd met het verzoek om nadere informatie over de benoemingen in dienst van het Eilandgebied Curaçao die tegen de regels en procedures hebben plaatsgevonden. Tot op de dag van vandaag is het voor de samenleving niet bekend wat het resultaat is van de werkzaamheden van de commissie, onder leiding van SOAB, die als opdracht had deze benoemingen te onderzoeken.

Bedoelt gedeputeerde Alcala-Walle te zeggen dat deze twee brieven door de Ombudsman verstuurd zijn om zichzelf daarmee te vermaken? Wordt deze correspondentie Jan Joker correspondentie genoemd? Is de gedeputeerde niet geïnteresseerd in deze correspondentie en moet de Ombudsman stoppen met het versturen van dergelijke brieven? De samenleving heeft recht om de Ombudsman te benaderen voor diverse onderwerpen en heeft het recht om informatie en duidelijkheid te verkrijgen over vragen, bezorgdheden en klachten die men heeft. Diegenen die door de Ombudsman benaderd worden met het verzoek om inlichtingen te verstrekken zijn volgens de wet verplicht dit binnen een vastgestelde termijn te doen.
Overigens; wat is de stand van zaken van de jaarrekeningen? Hebben het Bestuurscollege en de Eilandsraad nog een achterstand met de behandeling en vaststelling van de jaarrekeningen? Is er al duidelijkheid over de benoemingen die tegen de regels en procedures hebben plaatsgevonden en hoe zal hier verder mee omgegaan worden? Is er een beleid om te voorkomen dat benoemingen weer uit de hand lopen zoals reeds enige jaren het geval?

Ik heb een advies voor gedeputeerde Alcala-Walle en het Bestuurscollege. Benoem de commissie genoemd in artikel 8 van de Eilandsverordening Ombudsfunctionaris Curaçao. Deze commissie heeft als taak de Ombudsman gevraagd en ongevraagd van advies te dienen over de wijze waarop hij zijn taak verricht en dient als klankbord met name als er klachten zijn over bepaalde aspecten van het optreden van de Ombudsman, zowel inhoudelijk als formeel.
De e-mail met de verbale agressie was niet nodig geweest.
Voor de Ombudsman heb ik hetzelfde advies. Benader het Bestuurscollege zo spoedig mogelijk met het verzoek de bedoelde commissie te benoemen zodat deze de waarnemingen van gedeputeerde Alcala-Walle kan analyseren en de Ombudsman hierover adviseren. Naar mijn mening is de klacht die de Ombudsman tegen gedeputeerde Alcala-Walle heeft ingediend bij het Openbaar Ministerie ook niet nodig geweest.
Laten wij de commissie oprichten!


Etienne van der Horst
31 Mei 2008