Komishon pa investigá nombramentunan tin 2 siman mas pa terminá su trabou

Riba 19 di òktober 2007 Bestuurscollege a disidí pa instalá un komishon ku mester investigá e nombramentunan ku a tuma lugá na Gobièrnu Insular durante e periodo yanüari 2003 te ku yüni 2007. Segun e desishon e komishon mester hasi su trabou den 8 siman ku e prioridat di mas haltu. Esaki ta enserá ku e trabou mester ta kla riba 14 di desèmber 2007. Ya kaba 6 siman a pasa i falta 2 siman mas pa finalisá e trabou. E desishon ta enserá tambe ku e komishon tin ku raportá semanalmente na Bestuurscollege via diputado di asuntunan general. Lo ta bon pa Bestuurscollege, durante su próksimo rueda di prensa, duna komunidat un relato breve di e trabounan hasí dor di e komishon te na e momentu aki. Tambe lo ta bon pa informá komunidat si e komishon lo keda kla ku su trabou dentro di 8 siman manera Bestuurscollege a disidí.

Komo ku Gobièrnu Sentral a informá Bestuurscollege ku segun konseho hurídiko tin indikashonnan ku posiblemente tin nombramentunan ku a tuma lugá no konforme leinan vigente i/o ku no ta na interes di pais lo ta interesante pa wak si e komishon tambe ta identifiká e indikashonnan aki. Lo ta bon pa e komishon konsultá ku e entidat ku a duna Gobièrnu Sentral konseho hurídiko pa haña klaridat riba e indikashonnan.
Un di e otro tareanan di e komishon ta pa fórmula proposishonnan pa Bestuurscollege kon pa atendé e nombramentunan ku, na opinion di e komishon, no a tuma lugá teniendo sufisientemente kuenta ku reglanan i proseduranan vigente i eksigensianan di kalidat pa loke ta trata rekrutashon, selekshon, tumamentu den servisio, nombramentu i renumerashon.

Si resultá ku tin kosnan ku a tuma lugá na un manera inkorekto ta di spera ku Bestuurscollege tin e kurashi polítiko pa aktua i si tin ku revoká desishonnan, pa hasi esaki tambe. Tambe ta di spera ku partidonan di oposishon lo denunsia e nombramentunan aki ku e mes un fervor ku nan a denunsia e hecho ku segun nan e presupuesto 2008 no ta konforme lei i reglanan vigente.
Kon ku bai bin ta un kos so por hasi ku desishonnan ku no a tuma lugá segun lei i/o ku no ta na interes di pais; revoká nan.


Etienne van der Horst
4 desèmber 2007

De commissie om de benoemingen te onderzoeken heeft nog 2 weken om haar werk te voltooien

Op 19 oktober 2007 heeft het Bestuurscollege besloten een commissie in te stellen die de benoemingen die gedurende de periode januari 2003 t/m juni 2007 hebben plaatsgevonden bij het eilandgebied curaçao moet onderzoeken. Volgens het besluit moet de commissie haar werk met de hoogste prioriteit binnen 8 weken na haar instelling voltooien. Dit houdt in dat het werk uiterlijk op 14 december 2007 voltooid moet zijn. Er zijn nu reeds 6 weken voorbij en er resten nog maar 2. Het besluit houdt ook in dat de commissie wekelijks aan het Bestuurscollege rapporteert door tussenkomst van de gedeputeerde van algemene zaken. Het zou goed zijn dat het Bestuurscollege tijdens de komende persconferentie de samenleving informeert over de stand van zaken van de werkzaamheden van de commissie tot nu toe en of de commissie haar werkzaamheden binnen de termijn van 8 weken zal voltooien zoals besloten is door het Bestuurscollege.

Aangezien de Landsregering het Bestuurscollege heeft geïnformeerd dat er indicaties zijn dat er mogelijk benoemingen niet in overeenstemming met de wet hebben plaatsgevonden en/of die niet in het belang zijn van het eiland, is het interessant om te zien of de commissie deze indicaties ook identificeert. Het zou goed zijn als de commissie de entiteit die de Landsregering van juridisch advies heeft voorzien benaderd voor het verkrijgen van meer duidelijkheid over de indicaties.
Eén van de andere taken van de commissie is om voorstellen te formuleren voor de door het Bestuurscollege te volgen handelswijze in die gevallen, waarbij naar oordeel van de commissie de geldende regels en procedures en kwaliteitseisen m.b.t. werving, selectie, indienstneming, benoeming en inschaling onvoldoende in acht zijn genomen.

Indien blijkt dat zaken niet op correcte wijze zijn gelopen is het te hopen dat het Bestuurscollege de politieke moed kan opbrengen om op te treden en indien er benoemingen teruggedraaid dienen te worden dit ook te doen. Ook is het te hopen dat de oppositiepartijen deze benoemingen met dezelfde bravoure veroordelen als die zij getoond hebben bij de aankondiging dat de begroting voor 2008 naar hun mening niet voldoet aan de wettelijke bepalingen en regels.
Hoe het ook zij, er is maar één manier om te handelen met benoemingen die niet in overeenstemming met de wet hebben plaatsgevonden en/of niet in het belang zijn van het eiland: terugdraaien!


Etienne van der Horst
4 december 2007